Admin
Admin
عدد الرسائل : 171
العمر : 34
الموقع : sytara.ahlamontada
العمل/الترفيه : الكمبيوتر
تاريخ التسجيل : 05/02/2008
 |  موضوع: هما المصريين قلبهم قاسي علينا كده ليه!!!!!!!!!!!  الإثنين فبراير 18, 2008 10:50 pm | |
| السلام عليكم ورحمة الله وبركاته
هما المصريين قلبهم قاسي علينا كده ليه!!!!!!!!!!!
اولا وقبل كل شىء الموضوع منقول
عن احد اصدقائى المقربين جدا
هما المصريين قلبهم قسى علينا كده ليه
الجملة القاتلة دي..قالتها السيدة / نعمات سمير جبر من كفر العلو
نعمات ست معاها بكا لريوس تجارة
و عندها ولدين زي القمر....كانت متجوزة راجل بيجري على اكل عيشة و عيشها..
حب يسترها و يستتها...قام اشترالها حتة ارض في كفر العلو من صاحب حيازة بالي معاه كله
باعت الي وراها والي قدامها و حبت تسكن و تتستر هي والعيلين في ارض بتاعتهم و بيت ملك
عشان لو جار عليها الزمن تلاقي حيطان تتاويها...و ضل راجل يحميها
استلفت من طوب الأرض عشان تشتري حتة الأرض...و دلت اخواتها على حلوان عشان تتونس بالأهل
و في ليلة من ذات الليالي جالهم رسول من رسل الموت يخبرهم ان بيتهم الحكومة عايزاه
هو حد يقدر يكسر للحكومة كلمة....الحكومة عايزه الأرض يبقى تتاخد الأرض
الراجل الي هو السند والضهر للست دي...لما عرف الخبر طب ساكت
بقى الأرض الي شقي و تعب و اتمرمط عشان يشتريها و تبقى سند ليه ضد غدر الأيام
تروح منه كده في غمضة عين..,يدوله بدالها 2500 جنية!!!!
الراجل ما استحملش و راح عند الي لا يغفل و لا ينام..و فات نعمات
لوحدها مع الطفلين اليتامى دول...الي اصبحوا مهددين بالطرد
لكن الحكومة ما كفهاش وفاة الراجل...و قررت انها تبعت موظف مهمل
موظف ما كلفش خاطرة انه يدخل بين غيطان القصب و يعد البيوت الي في الأرض الي هتاخدها الحكومة
و اسقط في العد بيت نعمات.....سهوا اوعمدا مش هتفرق
المهم انه معدوش...., و محدش عرف عن بيتها حاجة...
و في ساعة فجرية...و يا دوب عينيها بتغفل...و بدأت تدوق عينيها النوم بعد يوم شقا طويل قضته كله سعيا ورا
رزق العيلين الي طلعت بيهم من الدنيا
لقت زوا الفجر جولها مع انها لا عمرها اشتغلت في السياسة ولا تعرف عنها حاجة
فجأة....دخل بيتها و خدرها رجالة اغراب...شالوا ابنها من فرشتة ساعة فجرية في ليل رمضان
و رموه في الشارع....ببجامته...منغير حتى ما يمهلوه يلبس شبشبة
و جرجوا امه و رموها في الشارع جنبة
يصرخ الطفل بحثا عن اب يرعاه ولا عم يحوش عنه قسوة الحكومة...ما يلاقيش غير بلدوزرات هدت بيته و احلامة
قدام عينيه....
نعمات قالت لما نزلت بقى احنا لو يهود كانوا عملوا فينا كده
هما المصريين بقم بالقسوة دي.علينا ليه
هو احنا مش بشر زييهم....
نعمات صرخت و قالت...يعني احنا نعمل ايه..انا طول الليل ابني يكح من النزلة الشعبية
البرد اكل عضمة..., دق صدرة...,وانا لا حول ليا ولا قوة...
لا عارفة اعالجة..ولا قادرة اصرف عنه البرد...منك لله يالي ظلمتنا
كل مسؤول همة بس الكرسي الي قاعد عليه
يجي الريس يشوف شعبة...ده احنا لو يهود ما كانوش عملوا فينا كده
جمعية رسالة بالتنسيق مع ابناء مصر نزلوا لأهالي كفر العلو بقافلة طبية...
و حصروا الأمراض الموجودة و وفروا العلاج الي يقدروا عليه
نعمات قالت و عنيها مش مصدقة الي بيحصل و ان فيه ناس مش في السلطة جاينلهم
ده الواحد زي ما يكون لقى المصريين تاني
اتاري مصر لسة بخير
كلمتها خلتني مش عارف اعيط و اخدها في حضني و اعتذرلها عن كل الي صابها
ولا اغضب من كل غاصب و ظالم و غاشم حط في زورها و صدرها المرارة دي
يا مصريين...الناس دول محتاجينكو...محتاجين طبطتكوا...
محتاجين حد يقولهم بردكوا واجعنا
قعدتكوا في الشارع قهرانا...و نفسنا لو نؤيكوا
الناس دول مكسوفين من قعدتهم في الشارع..
الي بيقعوا في الشارع هما الغجر الي كل شوية يتنقلوا في الموالد..لكن مش اصحاب الأطيان
و اصحاب الأملاك...الجيران كل ما يضيع منهم قرش
يجوا يفتشوهم...ما هم سبيل في الشارع
لو سكتنا على الي بيحصلهم...مش هنلوم الا نفسنا لو حصل منهم اي حاجة
الناس فاض بيهم.... فى النهاية مش هقول الا كلمة واحدة
بلاش القسوة دي يا مصريين
| |
|
